गजल

- स्पन्दन साइला

 

गजल -१

बहरे मुकारिब मुरब्बा सालिम

फऊलुन X2 ( ISS ISS ) शंखनारी

   कसोरी हरायौ .....1

नजाती डरायौ

मा आए तिमीमा

कि यसै करायौ ...2

भुलेछौ मलाई

अरु मन् परायौ .....3

छ केही भएको

म आधा गरायौ.....4

म खाली बनायौ

नशा त्यो भरायौ....5

/////////////////////////////////////////////////////////////////////////////////////////////////////////////////////////////////////////////////////////////////

गजल -२

यो तिमो सहरमा सबथोक बिकाउ छ
 मृत्यु मसानघाट र शोक बिकाउ ।।१

उदाङै उदाङो  भिडहरु माझ
नगरबधु बेरोकटोक बिकाउ छ ।।२

अन्धकारको के कुरा यहा“ दिउसै
 सडक पेटिहरुमा भोक बिकाउ छ ।।३

एक पछीका हरेक तीन शुन्यहरु स“ग
 हाकिमको प्रत्येक तोक बिकाउ छ ।।४

अचेल रहरहरुमा खेलबाड छ
सपना जस्तै यहा“ लोक बिकाउ छ ।।५


//////////////////////////////////////////////////////////////////////////////////////////////////////////////////////////////////////////////////////////////////

गजल -३

 
माया प्रेमको आदर्स मान्छु भन्छे
अचम्म भए खॆ संगै जान्छु भन्छे

मान्दिन म बिल्कुलै लादिन म
नलगेमा डोरिलेनै बान्छु भन्छे

छुच्ची सारै उत्ताउली झड्किन्छे
माया हैन ढुंगालेनै हान्छु भन्छे

दायाँबायाँ तलमाथि गर्ने हैन
गरे भने घरै सम्म तान्छु भने

उसैलाई चोखो माया नदिएमा
आँसु हैन जहर नै खान्छु भन्छे 

++++++++++++++++++++++++++++++++++

गजल :-4
जब    देखिन्छ  टुक्रा-टुक्रा आफ्नै जगत
उफ ! गन्हाउन थाल्दछ आफ्नै रगत ।।

चपरी - चपरी   र    चैला - चैला बनाई
माटो र देश माथिको हासो हो फगत ।।

आफ्नै    आमालाई  भेजा लगाएर अब
खै के भएको छ मान्छेहरुको मगज ।।

पाउ शिर ,शिर पाउ भएको देश हो यो
कुन दैवी शक्तिले गराउने हो सजग ।।

कुन्नी खै कतिन्जेल धानिन्छ स्वाभिमान
बेचेर   राहधानी     पठाएर     नगद ।।