गजल

एक चोटि     हजुरसङ्ग गफ गर्छु नि भन्छे
मन पर्यो भने जुनिभरी लभ गर्छु नि भन्छे ।।१।।

थोरै मात्र भेटिन्छ जिन्दगिमा पागलहरु
पग्लि हजुरको लागि सब गर्छु नि भन्छे ।।२।।

आउन चाहिँ आधी जस्तै आइ हुरि जस्तै आइ
बिस्तारै   आएर  दिलमा   नक गर्छु नि भन्छे ।।३।।

हो दुनिया निक्कै अघि बढिसकेको छ देखेनौ?
कस्ति उत्ताउली लौ बेस्सरी हग गर्छु नि भन्छे ।।४।।

अरे! चलाख नि छु भन्छे लजालु नि छु भन्छे
गरेर  प्रेम मलाई      चकचक   गर्छु नि भन्छे ।।५।।

®स्पन्दन राजा
 २०७३-११-१६

यो छुट्टिमा म घर जानेछु

                                    ®स्पन्दन राजा

यो छुट्टिमा म घर जानेछु
र पुरै घर खान तलासी गर्नेछु
मेरो आपाआमाले
कहाँ लुकाएर राख्नु भएको छ दुखको पोकाहरु
र हेर्छु काहाबाट निकाल्नु हुन्छ मुस्कान र ममताहरु ।।

यो छुट्टिमा म घर जानेछु
र आपाको माटिलो बास्नादार कोट्को खल्ती
साफ साफ चेकजाँच गर्नेछु
एक दुइ पुरानाका सिक्काहरु
कहाँदेखि सधै दिनजसो भेटिन्थे पत्ता लगाउने छु ।
किन रितिदैन थिए खल्तिहरु पत्ता लगाउने छु ।।।

यो छुट्टिमा म घर जानेछु
र आमाको काखमा टाउको राख्ने छु
आराम आरामले निदाउने छु
किन लाग्छ यसरि स्वर्गीय निन्द्रा आमाको काखमा ?
पत्ता लगाएरै छोड्ने छु
कसरी चाउरीएको गालामा पनि
गहिरो शान्त मुस्कान आउँछ
ठिकठाक सङ्ग जाचबुझ गर्ने छु ।।

यो छुट्टिमा म घर जाने छु
र बहुत धेरै याद गर्नेछु
मलाई पछ्याईरने कण्ठेलाई
मलाई ढाडमा बोकेर दूध दिने पाठुलाई
र तिनिहरुको आत्मालाई सोध्ने छु
मान्छेहरु निर्जन निर्जन सडक भैरहेको बेला
तिमिहरुलाई नै मैले पहिलो र अन्तिम पटक
सुन्दर आत्माको रुपमा किन भेटेछु ??


धरान
२०७२-१०-२७